Հայկական Բլոգ

ԱՄՆ ռազմական գերատեսչությունը որոշել է իրական ռազմական գործողությունների անցնել, եթե որևէ երկրի հաքեր փորձի հարձակվել ամերիկան անվտանգության համակարգի վրա:

ԱՄՆ համակարգչային անվտանգության նոր ռազմավարության համաձայն՝ հաքերային հարձակումները հավասարազոր են իրական ռազմական գործողություններին, ինչն էլ իրավունք է տալիս Պենտագոնին պատասխան հարված հասցնել ռումբերով:

Հիշեցնենք, որ վերջին շրջանում ԱՄՆ-ի անվտանգության մասնագետները բողոքել են չինական ու ռուսական հարձակումներեից:

Անվտանգության մասնագետ Չարլի Միլլերը հայտնաբերել է մի խոցելիություն, որը թույլ է տալիս փոխել Apple նոութբուքների մարտկոցի համար պատասխանատու միկրոկարգավորչի կարգավորումները: Փորձագետը պնդում է, որ հաքերներն անհրաժեշտության դեպքում կարող են շարքից հանել մարտկոցն ու պայթեցնել այն:

Խոսքը MacBook, MacBook Pro և MacBook Air նոութբուքների մասին է: Միլլերի խոսքով՝ մարտկոցները համալրված են չիպերով, որոնք ղեկավարում են լիցքավորումը նույնիսկ այն ժամանակ, երբ նոութբուքը անջատված վիճակում է: էլեկտրաշարժիչի աշխատանքը կարգավորող սարքը «գիտի»` երբ դադարեցնել լիցքավորումը, ինչպես նաև այն կարգավորում է մարտկոցի ջերմաստիճանը, գրում է Forbes-ը:

2009թ. մարտին Apple-ը թողարկեց ծրագրային թարմացում, որը թույլ էր տալիս երկարեցնել MacBook նոութբուքի մարտկոցի ավտոնոմ աշխատանքի ժամանակը: Այդ թարմացումը իրականում կոնտրոլլերի կարգավորումները փոխող ծրագիր էր:

Ուսումնասիրելով այդ ծրագիրը՝ Միլլերը հայտնաբերել է, որ չիպում օգտագործված են շատ թույլ անվտանգության մեխանիզմներ: Իսկ եթե հաքերը կարողանա կոտրել դրանք, կարող է փոխել կարգավորումները, ինչը կհանգեցնի գերտաքացման ու պայթյունի:

Միլլերն ինքն արդեն շարքից հանել է յոթ մարտկոց, որոնք այլևս հնարավոր չէ օգտագործել:

Միլլերն առաջինը չէ հայտնաբերել նման խնդիր. դեռևս 2009-ին նման հետազոտություն էր անցկացրել McAfee ընկերության աշխատակից Բերնաբի Ջեքը (Barnaby Jack):

Միլլերը չի հայտնում, թե ինչպես է կարողացել թափանցել մարտկոցային համակարգի միկրոկարգավորչի մեջ: Ավելի մանրամասն ինֆորմացիա մասնագետը խոստացել է ներկայացնել Black Hat կոնֆերանսին, որը կկայանա ս.թ. օգոստոսին:

Չարլի Միլլերն, ով նախկինում աշխատել է ԱՄՆ Ազգային անվտանգության գործակալությունում, այժմ Accuvant ընկերության հետազոտողներից է:

Մոսկվայի Իվանովսկու փողոցում գտնվող իր բնակարանում հայտնաբերվել է Mail.ru ընկերության փոխնախագահի օգնականի դին: Պարզվում է՝ 31-ամյա Ալեքսանդր Մալանկինը օգոստոսի 4-ին ինքնասպանություն է գործել՝ որսորդական հրացանով կրակելով գլխին: Հաղորդում է «Комсомольская правда»-ն՝ հղում անելով ոստիկանությանը:

Նախնական տվյալներով՝ դիակը հայտնաբերվել է դեպքից մոտ 24 ժամ անց:

Մալանկինի մահվան հանգամանքները ճշտվում են: Նա երկու օր առաջ՝ օգոստոսի 2-ին, մուտք է գործել սոցցանցերից մեկը, սակայն որևէ այլ տեղեկություններ չկան:

Mail.ru-ի ներկայացուցիչները դեռևս ոչ մի մեկնաբանություն չեն տվել այս դեպքի առնչությամբ: Դեպքի քննությունը վարում է Ռուսաստանի քննչական հանձնաժողովը:

Apple ընկերությունն սկսել է Find My Mac ֆունկցիայի փորձարկումը, որը թույլ է տալիս հայտնաբերել կորցրած MacBook նոութբուքի գտնվելու վայրն, ինչպես նաև հեռակա ջնջել համակարգչի հիշողությունը: Հաղորդում է MacRumors-ը:

Նոր ծառայությունը հասանելի է iCloud ծառայության միջոցով, որը նախատեսված է տվյալների պահպանման  ու տարբեր սարքերի միջև սինխրոնիզացիայի համար: Ծառայությունը, որ դեռ տեստավորման փուլում է, վերջնակապանպես պատրաստ կլինի աշնանը:

Find My Mac-ն աշխատում է, ինչպես Find My iPhone-ը: Քանի որ համակարգիչները չունեն GPS, կորցրած համակարգիչների գտնվելու վայրը կորոշվի մոտակա Wi-Fi կետերի միջոցով:

Գտնելով համակարգիչը՝ օգտագործողը կարող է հաղորդագրություն ուղարկել , որը կհայտնվի նոութբուքի էկրանին, արգելափակել սարքի օգտագործումը կամ ջնջել ամբողջ հիշողությունը:

Find My iPhone ծառայությունը ներկայացվել է 2009թ. և սկզբնական շրջանում եղել է վճարովի: 2010-ի վերջին այն դարձավ անվճար՝ պայմանավորված սմարթֆոնային շուկայում ստեղծված ուժեղ մրցակցությամբ:

Google ընկերությունն իր Google Earth ծրագրի «Օվկիանոս» բաժնում ավելացրել է օվկիանոսների հատակի ռելիեֆների բարձրորակ նկարները: Ծրագրի թարմացված տարբերակը կարելի է բեռնել Google Earth-ի պաշտոնական կայքում:

Օգտատերերը կարող են մանրամասն հետազոտել Ատլանտիկ օվկիանոսում 600 մետր խորության վրա գտնվող Հուդզոնի կիրճը, Խաղաղ օվկիանոսում գտնվող Լամոնտ լեռնաշղթան, ԱՄՆ-ի ափերին մոտ գտնվող խաղաղօվկիանոսյան Մենդոսինո իջվածքը և այլն

Բարձրորակ նկարահանված է դեռևս Համաշխարհային օվկիանոսի հատակի 6 տոկոսը միայն:

Ծառայությունը ստեղծելիս Google-ը օգտվել է 12 գիտական կազմակերպությունների, այդ թվում՝ Կոլումբիայի համալսարանին կից Լամոնտ-Դոհերթի գեոֆիզիկական լաբորատորիայի կողմից տրամադրված տեղեկատվությունից:

Tert.am-ի փոխանցմամբ՝ «Օվկիանոս» բաժինը թարմացվել է ընթացիկ տարվա հունիսի 8-ին՝ Օվկիանոսի համաշխարհային օրը:

Տեսանյութ

Երևանի կենդանաբանական այգում այսուհետ կգործի անվճար հանրային Wi-Fi կապ, որը տրամադրելու է ՎիվաՍել-ՄՏՍ ընկերությունը:

Wi-Fi ինտերնետի պաշտոնական մեկնարկի արարողությունը կկայանա վաղը` հուլիսի 29-ին:

Միջոցառմանը կմասնակցեն Երևանի կենդանաբանական այգու տնօրեն Ռուբեն Խաչատրյանը և ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:

ԱՄՆ նախագահ Բարաք Օբաման մի քանի ժամվա ընթացքում զրկվել է Twitter-ի իր էջի մոտ 36 հազար հետևորդներից: Այս մասին հաղորդում է Mashable կայքը: Պարզվել է, որ Օբաման դիմել էր Twitter-ում իր 9 միլիոն հետևորդներին՝ խնդրելով իրենց նահանգներից ընտրված հանրապետական կոնգրեսականների վրա ճնշումներ բանեցնել, որպեսզի նրանք կողմ քվեարկեն պետական պարտքի շեմի բարձրացման օրինագծին, ինչը թույլ կտա խուսափել դեֆոլտից:

Թեպետ բավականին դրական արձագանքներ են եղել, այդուհանդերձ 9 միլիոն հետևորդից մոտ 36 հազարը ջնջել են Օբամային իրենց «ընկերների» ցանկից: Իսկ Twitter-ում հայտնվել է նույնիսկ «Օբամա-սպամ»՝ #ObamaSpam հեշթեգը, երբ քննարկվել է Օբամայի էջի կողմից նման խնդրանքի զանգվածային տարածումը:

Օբամայի նամակագրությունը մեկ այլ բացասական հետևանք ևս ունեցել է: Կոնգրեսում հանրապետականների էջի հետևորդների թիվն ավելացել է 6,500-ով: Այս մասին գրում է The National Journal-ը:

Բացի այդ, Օբամայի ջանքերը հաջողությամբ չեն պսակվել, Կոնգրեսում հանրապետականներն ու դեմոկրատները մեկը մյուսի հետևից մերժում են ներկայացված օրինագծերը, իսկ մինչև դեֆոլտ հայտարարելը մնաց 3 օր:

Ինչպես հայտնի է, Ֆեյսբուքը հուլիս ամսին հանդես եկավ մի շարք նորամուծություններով, որոնցից մեկը վերաբերում էր չաթի պատուհանին: Եթե նախկինում ցուցադրվում էր առցանց (օնլայն) ընկերների ընդհանուր թիվը, և հնարավոր էր ընտրել որևէ մեկին ու սկսել զրուցել, ապա այժմ չաթը մշտապես բաց է, և այնտեղ ցուցադրվում են միայն այն ընկերները, որոնց հետ ամենաշատ եք շփվում՝ անկախ նրանից՝ տվյալ անձն առցանց է, թե ոչ:

Այս համակարգը հասցրել է մեծ զայրույթ առաջացնել սոցիալական ցանցի միլիոնավոր օգտագործողների շրջանում մեծ անհարմարությունների պատճառով:

Ստորև ձեզ ենք ներկայացնում այն հավելվածները, որոնք տեղադրելով ձեր համապատասխան դիտարկիչում՝ նույնությամբ հետ կստանաք ձեր հին չաթը: Սեղմեք ձեր դիտարկիչի անվանման վրա և կներբեռնեք համապատասխան փաթեթը։

Coogle Chrome 

Mozilla Firefox

Opera

Մաղթում ենք հաճելի շփում:

Համաշխարհային շուկայում Windows XP օպերացիոն համակարգի մասնաբաժինը նվազել է 50%-ից՝ կազմելով 49.69%: Ինչպես հաղորդում է Computerwolrd-ը, դիտարկումների ողջ փուլում 50%-ից մասնաբաժնի նվազումը տեղի է ունեցել առաջին անգամ:

Միաժամանակ նշվում է, որ Windows XP-ն շարունակում է առաջատար մնալ այդ շուկայում: Նրան զիջում է Windows 7-ը, որի մասնաբաժինը շուկայում կազմում է 27.92%, Vista-ն՝ 9.27% (երեքն էլ Microsoft ընկերության արտադրանքն է) և Mac OS X 10.6 Snow Leopard-ը՝ 3.76%: Ընդհանուր առմամբ Windows-ին բաժին է ընկնում շուկայի 87%-ը:

Տեղեկացնենք, որ Windows XP-ն արտադրվել է 2001 թ-ին, դրա գործողության և սպասարկման ժամկետը երկարացվել է մինչև 2014 թ.:

2010թ. վերջին ՎիվաՍել-ՄՏՍ ընկերությունում հանդիսավորությամբ հայտարարվեց 4G/LTE (Long Term Evolution) ցանցի առաջին փորձնական կոմերցիոն գործարկման մասին: Կապի այս վերջին ճիչի շնորհանդեսին ներկա էր նաև ՀՀ վարչապետ Տիգրան Սարգսյանը: Հայտարարվեց, որ Հայաստանն աշխարհում 10-րդ երկիրն է, որ ներդնում է 4G ցանց: Լուրեր են պտտվում, թե 4G-ի մասին հայտարարությունները նպատակ ունեին ծառայել միայն Տիգրան Սարգսյանի վարկանիշը բարձրացնելուն: Ինչևէ, շնորհանդեսն անցավ, տեսնենք, թե ինչպես է 4G-ն իրեն զգում Հայաստանում:

ՎիվաՍել-ՄՏՍ-ից «Առաջին լրատվականին» հայտնեցին, որ ներկայում 4G ցանցի փորձարկումները շարունակվում են, դրա կոմերցիոն գործարկումը նախատեսվում է 2011 թ. երրորդ եռամսյակի ավարտին, իսկ «այս փուլում դեռևս վաղ է խոսել սակագների մասին»: Սկզբնական փուլում ցանցը կգործարկվի Երևանում՝ քաղաքի կենտրոնում և Արաբկիրում, իսկ ապագայում նաև երկրի ամբողջ տարածքում:

Մեր հարցերը, թե այնուամենայնիվ ինչպես է ընթանում 4G-ի փորձարկումը, քանի փորձնական կայան է տեղադրվել, երկրի ողջ տարածքը ծածկելու համար քանի կայան հարկավոր կլինի, մնացին անպատասխան. ընկերությունից նշեցին՝ «որոշ հարցերի պատասխանը կոմերցիոն գաղտնիք է և դեռևս ենթակա չէ հրապարակման»:

«Ինտերնետ հանրություն» ՀԿ փոխնախագահ Գրիքոր Սաղյանը մեզ հայտնեց, որ 4G-ի նորմալ գործունեության համար հարկավոր է կտրուկ մեծացնել բազային կայանների քանակը և դրանց միջև ապահովել օպտիկամանրաթելային կապուղիների ստեղծումը:

Ըստ նրա, բազային կայանների արժեքը գաղտնի է և հնարավոր չի անգամ մոտավորապես ասել, քանի որ աշխարհում բազային կայաններ արտադրում են ընդամենը մի քանի ընկերություններ ու դրանց գինը չեն հրապարակում. «Ամեն դեպքում, դա թանկ հաճույք է»: Թե քանի կայան հարկավոր կլինի հանրապետությունն ամբողջովին 4G ցանցով ծածկելու համար, կախված է օգտագործողների խտությունից՝ խիտ բնակեցված տարածքներում բազային կայանները պետք է լինեն 300-400մ հեռավորության վրա, սակավ բնակեցված վայրերում՝ ավելի նոսր:

«Հայաստանի համար, անուղղակի տվյալներով, 20-40 կայանի մասին էր խոսք գնում»,- ասաց Գ.Սաղյանը:

Ընդհանուր առմամբ՝ 4G կապն ինքնին 3G-ից ավելի թանկ չի. այն գումարը, որ պետք է ծախսել բազային կայաններ տեղադրելու և արագագործ կապուղիներով միմյանց միացնելու, եթերի օգտագործման վարձերի համար, 2-ի դեպքում էլ նույնն են, միայն 4G կայաններն են 3G-ից ավելի թանկ:

Գ.Սաղյանը նշեց, որ այսօր ՀՀ-ում դեռ կան 2G ցանցի կայաններ, սակայն 3G-ով աշխատելու հնարավորություն ունեցող բազային կայանների թիվը գնալով ավելանում է, բոլոր օպերատորները պարբերաբար վերազինում, թարմացնում են ցանցն ու անցնում 3G ծածկույթի:

«Աշխարհում զարգացումները գնալու են դեպի 5G, որի մասին արդեն խոսում են»,- նկատեց Գ.Սաղյանը:

Հիշեցնենք, որ անցած տարի Orange ընկերությունն իր մեկամյակին ընդառաջ Nokia Siemens Network-ի հետ միասին կազմակերպեց 4-րդ սերնդի շարժական կապի տեխնոլոգիաների հանրային կենդանի ցուցադրություն, ապա սարքերն ապամոնտաժվեցին ու տեղափոխվեցին:

4G-ն տեխնիկապես հնարավորություն է տալիս ստանալ առավելագույնը մինչև 160 Մբիթ/վրկ արագություն ներբեռնման և մինչև 50 Մբիթ/վրկ արագություն վերբեռնման համար: Ապագայում 4G կփոխի ինտերնետի օգտագործման ներկա պատկերացումները՝ մասնավորապես թույլ տալով ստանալ բարձր որակով մուլտիմեդիա բովանդակություն ոչ միայն տանը, այլ նաև շարժման մեջ, ինչպես նաև՝ օգտագործել համակարգչային ծրագրերն ու անձնական բովանդակությունն առցանց:

Մասնագետները նշում են, որ արդեն շուտով շատ լարեր, որոնք ամբողջովին փաթաթում են մեր համակարգիչները, այլևս պետք չեն լինի, իսկ դրանց փոխարինելու կգա ավելի արագ անցունողականություն ունեցող ներկայիս WiFi կապի տեսակը:

Ինչպես հաղորդում է Cnet կայքը, այս համակարգն, այդուհանդերձ, ունենալու է խնդիրներ, քանի որ ի տարբերություն լարերի, ինֆորմացիայի փոխանակումը կսահմանափակվի փոքր հեռավորություններով: Հեռանկարային ոչ լարային տեխնոլոգիաները նախատեսում են տվյալների մինչև 7 գիգաբիթ վարկյանում փոխանցում:

Հիմա այս տեխնոլոգիայի մշակմամբ զբաղվում է WiGig Alliance ընկերությունը. «Ես նախատեսում եմ, որ մեր տեխնոլոգիաների կիրառումն ապահովող սարքերի վաճառքի նկատմամբ ուշադրությունը կսկսի մեծանալ արդեն հաջորդ տարվա կեսին: 2013 թ. մենք կունենանք արտադրանքի վաճառքների պայթյուն»,- ասել է ընկերության ղեկավար Մարկ Գրոզդինսկին:

Microsoft ընկերությունը D9 կոնֆերանսին պաշտոնապես ներկայացրեց դեռևս մշակման փուլում գտնվող Windows 8 օպերացիոն համակարգը: «Նոր ՕՀ-ն կաշխատի х86-համատեղելիությամբ պրոցեսորներում, ինչպես նաև ARM-չիպերով սարքերում»,-այս մասին հաղորդում է PCNews.am կայքը:

Ընդհանուր առմամբ՝ Windows 8-ի միջերեսը օպտիմալացված է սենսորային էկրանների հետ աշխատանքի համար և հիշեցնում է Windows Phone 7-ը:

Start ստանդարտ կոճակը կփոխարինվի «կենդանի սալիկներով» (Live Tiles): ՕՀ-ը կաշխատի ստանդարտ ծրագրերով ու վեբ-հավելվածներով, որոնք կօգտագործեն HTML5 և JavaScript:

Windows 8-ը համալրված կլինի Internet Explorer 10 դիտարկիչով, որը կստանա սարքային արագացում: Նոր ՕՀ-ն կունենա նաև մի ծրագրից մյուսը տեղափոխվելու նոր համակարգ:

Ավելի մանրամասն տեղեկություններ ՕՀ-ի մասին Microsoft-ը խոստացել է հաղորդել ս.թ. սեպտեմբերին կայանալիք կոնֆերանսին: Windows 8-ի բետա-տարբերակը կթողարկվի ընթացիկ տարվա վերջում, իսկ վերջնական տարբերակը՝ 

Ինչպես հաղորդում է PCNews-ը, ստեղծվել է քնկոտներին արթնացնելու ամենադաժան եղանակը. Money-Shredding Alarm Clock-ը, որը միաժամանակ շրեդեր է (մանրացնելով կտրտում է թուղթը), թերևս, ամենաարդյունավետ զարթուցիչն է:

Եթե տերը չհասցնի անջատել զարթուցիչը ճիշտ ժամանակին, այն կսկսի ոչնչացնել թղթադրամները: Սարքի դիմային մասն ապակուց է, այնպես որ` հնարավոր է «հիանալ» ամբողջ պրոցեսով:

Զարթուցիչի աշխատանքի համար անհրաժեշտ է սարքի մեջ թղթադրամ տեղադրել: Եթե տերը չհասցնի անջատել զարթուցիչն ու հանել թղթադրամն, ապա այն հավետ կկորչի:

Սարքը, սակայն, դեռևս չի հանվել վաճառքի:

Մասնագետները կանխատեսել են, որ մինչև 2015թ. ինտերնետին միացված սարքերի քանակը կհասնի 15 միլիարդի, իսկ երկրագնդի յուրաքանչյուր բնակչի բաժին կհասնի 2.5 սարք: Այս տարի սմարթֆոնների և պլանշետային համակարգիչների բուռն զարգացումը հանգեցրել է նրան, որ արդեն ինտերնետի հետ «կապ են հաստատել» 5 միլիարդ սարքեր:

Այս հետազոտություններն իրականացրել է Cisco ընկերությունը, որը բուռն աճ է կանխատեսել հաջորդ 4 տարիների ընթացքում: Ամենամյա զեկույցում նշվել է նաև, որ բնակչության 40%-ը մինչև այդ թվականը ապահովված կլինի ինտերնետ հասանելիությամբ: Իսկ ինտերնետ թրաֆիքը կհասնի 80 հեքսաբայթի մեկ ամսում (մեկ հեքսաբայթը, կամ ՀԲ-ն հավասար է 1000 պենտաբայթի կամ 1,000,000 գիգաբայթի): Համեմատության համար նշենք, որ 2004թ. ամենամսյա թրաֆիքը կազմել է ընդամենը մեկ հեքսաբայթ:

Ընդ որում, ինտերնետ բովանդակության մեծ մասը կազմելու են տեսանյութերը, իսկ օգտատերերն ամեն վայրկյան ներբեռնելու են մոտ մեկ միլիոն րոպեի տեսանյութ:

Ճապոնական Double Research & Development ընկերությունը ներկայացրել է նոր Amenbo մկնիկի գործառույթներ ունեցող սարք: Այն թույլ է տալիս ղեկավարել համակարգիչը՝ օգտագործելով ձեռքի բոլոր 5 մատները: Այս մասին հաղորդում է CrunchGear կայքը:

Amenbo-ի վրա կան 6 հիմնական տարրեր՝ հենակ դաստակի համար և 5 տակդիրներ մատների համար, որոնք միացված են հաղորդալարերով: Յուրաքանչյուր տակդիրի մեջ կա սարք, որը հետևում է մատների շարժմանը, ինչպես նաև չափում է ուժը, որով մատը սեղմում է այդ տակդիրին:

Սարքը ստեղծողները պնդում են, որ Amenbo-ն կարող է օգտագործվել 3D գրաֆիկական ծրագրերը կառավարելու համար: Այս սարքն արդեն կարելի է միացնել այն համակարգիչներին, որոնք աշխատում են Windows 7 օպերացիոն համակարգով:

Microsoft ընկերությունը ներկայացրել է երրորդ օպտիկական մկնիկը՝ Touch-Explorer Touch Mouse սերիայից: Սարքի վրա կա լայն սենսորային մակերես, առանց սովորական անիվների, ինչը լայնամասշտաբ ֆայլերի և նկարների հետ աշխատելիս զգալիորեն հեշտացնում է գործը: Մասնագետները նշում են, որ այս սարքը լավագույնս կաշխատի նոութբուքերի և այլ շարժական սարքերի հետ, քանի որ BlueTrack Technology տեխնոլոգիայով աշխատող մկնիկը կտրուկ շարժումներ չի անում և սահուն շարժվում է՝ անկախ օգտագործվող մակերեսից:

Նշվում է նաև, որ սա առաջին մկնիկն է, որ կարող է 18 ամիս շարունակ անըդնմեջ աշխատել միևնույն մարտկոցով: Մկնիկը կլինի մի քանի գույնի՝ սև, մուգ կապույտ, մոխրագույն և երկնագույն: Սարքը վաճառքի կհանվի այս տարվա սեպտեմբերին՝ 50 դոլար արժողությամբ:

Երեկ գիշերը «Զվարթնոց» օդանավակայանում պատահաբար հանդիպել է «System of a down» խմբի մենակատար Սերժ Թանկյանին: Նա արդեն Երևանում է:

Հիշեցնենք, որ  օգոստոսի 14-ին նա հանդես է գալու բացօթյա հանրային համերգով: Համերգը տեղի է ունենալու «Թումո» ստեղծարար տեխնոլոգիաների կենտրոնի բացման հանդիսավոր արարողության շրջանակներում: Այն լինելու է բացօթյա և անվճար:

Mozilla Foundation ոչ կոմերցիոն ընկերությունը պատրաստվում է թողարկել Mozilla օպերացիոն համակարգի բջջային տարբերակը: Այս մասին Mozilla-ի հեղինակների համաժողովի ժամանակ պատմել է ընկերության աշխատակից Անդրեաս Գալը,- հաղորդում է Lenta.ru կայքը:

Նախագիծը ստացել է Boot to Gecko անվանումը: Ապագայի օպերացիոն համակրգը գործելու է Gecko հենքի վրա, որը կիրառվում է նաև Mozilla-ի այլ արտադրանքի մեջ, օրինակ Firefox բրաուզերներում և Thunderbolt փոստային ծառայությունում: Նշվում է, որ այս համակարգը կարող է մոտենալ և փորձել մրցակցել Google ընկերության կողմից մշակվող Chrome OS-ի հետ: Նոր օպերացիոն համակարգի գործարկման ժամկետները չեն նշվում, սակայն նախատեսվում է դրա մշակման վրա ծախսել 1-2 տարի:

BlackBerry-ն սենսորային էկրանով հեռախոսներ է արտադրելու և խոսք է տալիս ետ մղել iPhone և Android ընկերությունների արտադրանքը: Research In Motion ընկերությունը ներկայացրեց սենսորային BlackBerry-ների 5 մոդել:

Research In Motion կանադական ընկերությունը իր առաջին սենսորային մոդելը ստեղծել էր դեռ 2008 թ, այսինքն iPhone-ից մեկ տարի անց, սակայն ծրագրային ապահովման խնդիրների պատճառով այն շարունակություն չէր ստացել: Այժմ այդ խնդիրները լուծված են: Հեռախոսների հնարավոր գները դեռ չեն հայտնվում:

Ճապոնական Fujitsu ընկերությունը հավաքել է աշխարհի ամենահզոր համակարգիչը: Այս մասին հաղորդում է Kyodo գործակալությունը՝ հղում անելով Nihon Keizai թերթին:

Համակարգիչը ստեղծվել է Ճապոնիայի գիտահետազոտական Riken ինստիտուտի հետ համատեղ: Այս մեքենան կարող է իրականացնել մինչև 8.16 միլիարդ գործողություն մեկ վայրկյանում: Ճապոնացիների կողմից ստեղծված համակարգիչը մոտ 3 անգամ գերազանցեց նախկին առաջատարին՝ չինական Tianhe-1A համակարգչին:

Այս համակարգչի ստեղծման նախագիծը գնահատվել էր մոտ մեկ միլիարդ եվրո: Նախատեսվում է, որ այս համակարգիչը կարող է օգտագործվել եղանակային փոփոխություններին հետևելու համար:

Orange բջջային օպերատորը «Գլասթոնբերի» երաժշտական փառատոնի այցելուներին հնարավորություն կտա փորձել բջջային հեռախոսների մարտկոցները լիցքավորելու հնարավորությամբ շապիկներ:

Շապիկի մեջ համապատասխան սարք է դրվելու, որի միջոցով ձայնային ալիքները փոխակերպում են էլեկտրական հոսանքի: Ինչքան այցելուն մոտ գտնվի համերգի համար նախատեսված բեմին, այնքան ավելի բարձր կլինի ձայնը, և հեռախոսն ավելի շուտ կլիցքավորվի:

Recombu-ն մանրամասնում է, որ փառատոնի ժամանակ աղմուկի միջին բարձրությունը կկազմի 80 դեցիբել: Շապիկի ստեղծողների կարծիքով՝ դա հերիք է մարտկոցն ամբողջությամբ լիցքավորելու համար:

Տեղեկացնենք, որ «Գլասթոնբերի» երաժշտական փառատոնն անց է կացվում Մեծ Բրիտանիայում: Այս տարի այն տեղի կունենա հունիսի 22-26-ն ընկած ժամանակահատվածում: Փառատոնի մասնակիցներն բոլոր 5 օրերին ապրելու են վրաններում և իրենց հեռախոսները լիցքավորելու հնարավորություն չեն ունենալու:

Orange-ը, որը, ըստ ավանդույթի, հանդիսանում է փառատոնի հովանավորը, ամեն տարի «Գլասթոնբերիում» ներկայացնում է դաշտային պայմաններում բջջային հեռախոսների մարտկոցները լիցքավորելու սարքեր: Այսպես, 2008 թ. փորձարկվել է «պարային լիցքավորիչը», որը կինետիկ էներգիան փոխակերպել է էլեկտրաէներգիայի:

Բլոգի նախորդ նյութերում մի քանի անգամ արդեն անդրադարձել եմ տարբեր հնարքների, որոնց միջոցով կարող ենք կիրառել տարբեր էֆեկտներ կայքերի վրա: Օրինակ ջնջել կայքից ցանկացած ինֆորմացիա կամ հատուկ էֆեկտներով շարժում տալ կայքի բոլոր նկարներին: Կրկին անգամ հիշեցնեմ, որ սրանք ընդամենը Javascript հնարքներ են և կապ չունեն կայքերը կոտրելու հետ: Այդ էֆեկտների հետևանքները չեն պահպանվում: Գոյություն ունի այդպիսի էֆեկտներով հարուստ մի կայք, որի օգնությամբ կարող ենք զվարճանալ ցանկացած կայքի վրա: 

3. Բացված էջում վերևի ձախ անկյունից ընտրեք էֆֆեկտները և կիրառեք դրանք այդ կայքի վրա: